Puer Natus in Bethlehem
New English Words and Music by Tom
Parker
Latin Words: Benedictine Processional, 14th Century
Video Performance
Performance Notes
Background Notes
Music Files (Finale and .PDF Files)
Original Latin Carol – Words:
1. Puer natus in Bethlehem, Alleluia.
Unde gaudet Jerusalem. Alleluia.
Chorus: In cordis jubilo Christum natum adoremus cum novo cantico.
2. Hic jacet in præsepio, Alleluia.
Qui regnat sine termino. Alleluia.
3. Cognovit bos et asinus, Alleluia.
Quod puer erat Dominus. Alleluia.
4. Reges de Sabâ veniunt, Alleluia.
Aurum, thus, myrrhum offerunt. Alleluia.
5. Intrantes domum invicem, Alleluia.
Novum salutant principem. Alleluia.
6. De matre natus virgine, Alleluia.
Sine virili femine; Alleluia.
7. Sine serpentis vulnere, Alleluia.
De nostro venit sanguine; Alleluia.
8. In carne nobis similis, Alleluia.
Peccato sed dissimilis; Alleluia.
9. Ut redderet nos homines, Alleluia.
Deo et sibi similes. Alleluia.
10. In hoc natali gaudio, Alleluia.
Benedicamus Domino: Alleluia.
11. Laudetur sancta Trinitas, Alleluia.
Deo dicamus gratias. Alleluia
Public Domain
| 
